Pyar Pyaar Hai!!!

Pyar pehli baarish ki boondon main hai
Pyar khilte phoolon ki khushboo main hai
Pyar ugate sooraj ki kirano main hai
Pyar udate panchi main hai
Pyar sang chalty hawaon main hai
Pyar in barasti ghataon main hai
Pyar doston ki wafaon main hai
Pyar har naye din ki umped hai
Pyar khwaab hai
Pyar jeet hai
Pyar nayi geet hai
Pyar do jahano ka sangeet hai
Pyar khushi hai
Pyar zindagi hai
Pyar tishnagi hai
Pyar bandagi hai
haath uttha ke jo maangi gayi hai dua
Pyar ka asar un duaon main hai!!!

Dil aakhir tu kyun rota hai!!!

Jab jab dard ka baadal chaya
Jab ghum ka saya lehraya
Jab aansoo palkon tak aya
Jab yeh tanha dil ghabraya
Humne dil ko yeh samjhaya
Dil aakhir tu kyun rota hai
Duniya mein yunhi hota hai

Yeh jo gehre sannate hain
Waqt ne sabko hi baante hain
Thoda ghum hai sabka qissa
Thodi dhoop hai sabka hissa
Aankh teri bekaar hi nam hai
Har pal ek naya mausam hai
Kyun tu aise pal khota hai
Dil aakhir tu kyun rota hai
Duniya mein yunhi hota hai

Zinda Ho Tum - Zindagi Na Milegi Dobara

This is an awesome poetry from the movie Zindagi na milegi dobara:

Dilon mein tum apni
Betaabiyan leke chal rahe ho
Toh zinda ho tum

Nazar mein khwabon ki
Bijliyan leke chal rahe ho
Toh zinda ho tum

Hawa ke jhokon ke jaise
Aazad rehna sikho

Tum ek dariya ke jaise
Lehron mein behna sikho

Har ek lamhe se tum milo
Khole apni bhaayein

Har ek pal ek naya samha
Dekhen yeh nigahaein

Jo apni aankhon mein
Hairaniyan leke chal rahe ho
Toh zinda ho tum

Dilon mein tum apni
Betaabiyan leke chal rahe ho
Toh zinda ho tum